З нагоды юбілею паэта-земляка Міколы Салаўцова пазнаёміцца з яго творчасцю прыйшлі ў чавускую бібліятэку старшакласнікі першай гарадской школы


Дата: 27.12.2022

З нагоды юбілею паэта-земляка (85 гадоў з дня нараджэння Мікалая Салаўцова – 30 снежня) ў цэнтральнай бібліятэцы прайшла краязнаўчая гадзіна славы і прызнання “Людзі, якія праславілі наш край”,  на якую сабраліся вучні 10 класа СШ №1 г.Чавусы, якія з’яўляюца членамі  клуба “Краязнавец”, каб  пазнаёміцца з творчасцю Міколы Салаўцова.

Бібліятэкар цэнтральнай бібліятэкі, пазнаёміла вучняў з жыццёвым і творчым шляхам паэта, з  яго нясгаснымі радкамі. Звыш за сорак гадоў Мікалай Іванавіч узначальваў раённае літаратурнае аб’яднанне “Маладзік над Проняй” пры раённай газеце “Іскра” Чавускага раёна. І ўвесь час ён займаўся літаратурнай дзейнасцю. Вершы Мікалай Салаўцоў пачаў пісаць з пятага класа. Першы яго верш “Беларусь – мая радзіма” быў надрукаваны ў Клімавіцкай раённай газеце “Молат” у 1956 годзе. Затым яны друкаваліся ў розных выданнях: “Піянеры Беларусі”, “Зорцы”, ”Чырвонай змене”, і іншых.

У верасні 2006 года ў жыцці паэта адбылася знамянальная падзея – ён быў прыняты ў члены Саюза пісьменнікаў Беларусі. Больш за 60 гадоў Мікалай Іванавіч  жыве на Чавускай зямлі, якая ганарыцца сваім знакамітым зямляком.

Сняжана Свістунова