Агляд-конкурс мастацкай самадзейнасці “Вытокі творчасці” адбыўся ў Чавусах
28 красавіка прайшоў раённы агляд-конкурс мастацкай самадзейнасці паміж арганізацыямі і прадпрыемствамі горада і раёна “Вытокі творчасці”. Сёння сабраліся прадстаўнікі розных арганізацый і прадпрыемстваў паспаборнічаць за званне лепшага. Тыя, хто добра спявае, чытае вершы, танчыць, спрабавалі сябя на сцэне. 2018 год аб’яўлены Годам малой радзімы, таму кожнае выступленне было звязана з гэтай тэмай.
Мерапрыемства было прымеркавана да Свята працы, 1 мая, і праводзілася пад эгідай Раённага аб’яднання прафсаюзаў (яго старшыня Тамара Мацюліна ўзначальвала журы конкурсу). Таксама ў склад журы ўваходзілі: Наталля Кандраценка, галоўны спецыяліст аддзела ідыялагічнай працы, культуры і па справах моладзі, Інна Агагліева, намеснік дырэктара ДУК (ЦКС) Чавускага раёна, Маргарыта Жарыкава, настаунік па класу харавых дысцыплін Дзіцячай школы мастацтваў.
І першымі, хто прадэманстраваў свае таленты, сталі калектыў РУП Магілёўаблгаза філіяла ПУ “Магілёўгаз” Чавускага раёна, якія цудоўна спявалі і пакінулі шмат эмоцый у гледачоў. Іншыя ўдзельнікі таксама з выдатнымі галасамі адзін за адным выходзілі на сцэну.
У выніку журы былі вызначаны лепшыя з лепшых.
Як лепшы калектыў мастацкай самадзейнасці дыпломам ўзнагароджаны прадстаўнікі РУП Магілёўаблгаза філіяла ПУ “Магілёўгаз” Чавускага раёна.
Дыпломам “За прапаганду беларускай народнай творчасці” была ўзнагарождана Кацярына Елісеенка, ГЛХУ “Чавускі лясгас”.
За індывідуальнасць і майстэрства акцёра дыпломам адзначаны прадстаўнік “Жылкамгас”.
За высокае выканаўчае майстэрства ў самадзейнай творчасці была ўзнагароджана Ганна Камарова (Чавуская раённая бальніца).
За мастацкую выразнасць узнагароджана Хрысціна Пятроўская (ЦРБ).
За самабытнасць і арыгінальнасць – Валянціна Ламнёва (РУП Магілёўаблгаза філіяла ПУ “Магілёўгаз” Чавускага раёна).
Затым журы аб’явіла пераможцаў.
Дыплом III ступені быў уручаны Хрысціне Філіпенка (Аддзел адукацыі, спорту і турызму).
Дыплом II ступені атрымала Марыя Чыкіда (ГЛХУ “Чавускі лясгас”).
Дыпломам I ступені адзначаны Сяргей Танюкевіч з выкананнем аўтарскай песні “Анёлы”.
