Парафіяльнае свята ў гонар Найсвяцейшай Панны Марыі – Маці Касцёла адбылося ў Чавусах 9 чэрвеня. На святочны фэст да мясцовых католікаў прыехалі пробашчы і парафіяне з іншых парафій. Наведаў жыхароў Чаус і ксёндз Віталь Слука, ён некалькі год узначальваў мясцовую парафію. Сустрэча з вернікамі была вельмі цёплай. Свята адрозніваецца ўрачыстасцю і глыбокім сэнсам. Маці Божая апякае нас усіх, падтрымлівае ў нястачах і хваробах. Багасловы сцвярджалі – шлях да Хрыста ідзе праз яго Маці. Якая сваёй вялізнай любоўю да нас як да дзяцей дапамагае і ўзвышае.

Ксёндз Андрэй Кеўліч падзякаваў усім удзельнікам свята ушанавання Панны Марыі, парафіянам і пачэсным гасцям. Святая Імша аб’яднала ўсіх малітвамі да Збаўцы і яго Маці.