Понедельник, Декабрь 18, 2017
Главная > Культура > Праздники > Віншаванне Гжэгожа Ксёнжэка, адміністратара з правамі пробашча парафіі Найсвяцейшай Панны Марыі Касцела ў г.Чавусы з Божым Нараджэннем

Віншаванне Гжэгожа Ксёнжэка, адміністратара з правамі пробашча парафіі Найсвяцейшай Панны Марыі Касцела ў г.Чавусы з Божым Нараджэннем

Дарагія Парафіяне!

Бэтлеемская ноч, што ўкрывае збавенную таямніцу Божага Нараджэння, стала ў гісторыі чалавецтва парогам пераходу са Старога ў Новы Запавет. Гэтая святая ноч паклала канец шматвяковай гісторыі пазначанага цяжкімі выпрабаваннямі Старога Запавету і стала пачаткам светлай эры збаўчага Новага Запавету.
Хрыстос прынёс свету і кожнаму чалавеку супакой і радасць, моц і збаўленне. Таму ў нашых малітвах будзем памятаць пра наш народ, людзей хворых і самотных, пра нашу моладзь і дзяцей, пра тых, якія нясуць вайсковую службу, пра асоб, пазбаўленых свабоды, пра людзей працуючых на карысць нашай краіны, пра людзей веруючых у Хрыста і не спазнаўшых Яго любові.
Божае Нараджэнне дало пачатак эры хрысціянства – эры любові і прабачэння. Езус узяў на сябе нашыя грахі, штодзённа нам прабачае і запрашае нас да ўдзелу ў таямніцы Свайго адкуплення.
Як жа нараджаецца Пан Езус у табе, браце; у табе, сястра; у кожным з нас – вернікаў Ягонага Касцёла? Ён нараджаецца тады, калі чалавек шчыра просіць у Бога прабачэння за свае грахі і прымае Святую Камунію.
Год 2015 Каталіцкі Касцёл ва ўсім свеце перажывае як Год манаскага жыцця. Папа Францішак зазначае каштоўнасць манаскага жыцця ў Касцёле: “Заўсёды там, дзе ёсць манахі, ёсць і радасць! Гэта радасць свежасці, радасць крочання за Хрыстом; радасць, якую дае нам Дух Святы, а не радасць гэтага свету. Ёсць радасць! Яна нараджаецца менавіта ў манаскіх дамах”.
Такім чынам, узгадваючы Нараджэнне Пана Езуса ў Бэтлееме, мы павінны таксама ўсведамляць Яго жаданне нарадзіцца ў кожным з нас.
Дарагія Браты і Сёстры! Ад усяго сэрца віншую католікаў, хрысціян іншых веравызначэнняў і ўсіх людзей добрай волі. Віншую нашых братоў і сясцёр праваслаўных, якія незадоўга таксама будуць радавацца святу Нараджэння нашага Збаўцы.
Няхай Нованароджаны Адкупіцель умацоўвае вашу веру і надзею, каб выпрабаванні і радасць што-дзённага жыцця вы сустрэлі ў такім евангельскім духу, які быў уласцівы Святой Сям’і з Назарэту. Поспехаў у Новым 2015 годзе!
Памятаючы пра ўсіх вас у нашых малітвах, з радасцю благаслаўляю:
У імя Айца і Сына, і Духа Святога. Амэн.
а.Гжэгож Ксёнжэк S.P.

Выступление Президента Беларуси Александра Лукашенко на ІІ Съезде ученых

Уважаемые делегаты, гости съезда! Прежде всего позвольте мне приветствовать вас на высшем интеллектуальном форуме нашей страны - ІІ Съезде ученых Республики Беларусь. Должен

Погода в Чаусах

Чаусский кинтеатр «Сузор’е» предлагает к просмотру новые фильмы

20-21 декабря В 11.00 и 16.00 «Феи. Волшебное спасение». 2D. Детский. 50 коп. В 18.00 «Жизнь впереди». 2D. Взрослый. 1 руб. 22 декабря В 11.00 и 16.00 «Маленький вампи...


Архив публикаций



Полезные ссылки