Дата: 22.10.2021

Самабытны беларускі паэт Мікола Салаўцоў 20 кастрычніка ў Чавускім раённым гісторыка-краязнаўчым музеі прэзентаваў сваю новую кнігу «Мае гады – жыцця плады». Гэта рэпартаж са святкавання 80-гадовага юбілея паэта, якое адбылося ў 2017 годзе. У кнізе таксама размешчаны творы аўтара, прысвечаныя яго дзяцінству, сталасці.

Мікалай Іванавіч уручыў экзэмпляры начальніку аддзела ідэалагічнай работы і па справах моладзі Чавускага райвыканкама Ірыне Анікеенка, дырэктару музея Інне Казаковай, галоўнаму рэдактару раённай газеты «Іскра» Наталлі Шкрэдавай, перадаў некалькі кніг, у тым ліку і зборнік вершаў «Сінія валошкі», у раённую бібліятэку.

Мікола Салаўцоў падзякаваў усім прысутным за папулярызацыю яго творчасці і ўвагу да паэта асабіста. Ён перадаў кнігі і для старшыні Чавускага райвыканкама Аляксандра Яфімчыкава, яго намесніка Наталлі Кандраценка, начальніка аддзела па рабоце са СМІ Магілёўскага аблвыканкама Алене Дзіваковай.
Назва кнігі – гэта своеасаблівы гімн працы і творчасці аўтара, для якога крыніцай натхнення з’яўляецца жыццё.