ArabicBelarusianChinese (Simplified)DutchEnglishFrenchGermanItalianPortugueseRussianSpanish

Як чавускія католікі рыхтуюцца сустрэць Пасху?


Дата: 02.04.2021 | Просмотров: 174

У хуткім часе католікі ўсяго свету адзначаць вялікае свята – Уваскрэсенне Божае. З гэтай нагоды ва ўсіх касцёлах адбываюцца набажэнствы, прысвечаныя апошнім дням зямнога жыцця Ісуса Хрыста. Святочныя службы праходзяць і ў Чавускім касцёле Найсвяцейшай Панны Марыі – Маці Касцёла.

У Вялікі чацвер 1 красавіка пад кіраўніцт­вам біскупскага вікарыя Магілёўскага Регіёна біскупа Аляксандра Яшэўскага тут адбылася Святая Імша Вячэры Панскай.

Парафіяне павіншавалі айца Аляксандра і выконваючага абавязкі пробашча Чавускай парафіі ксёндза Віталія Слуку са святам, падзякавалі за іх духоўнае служэнне і ўвагу да каталіцкіх вернікаў Чавускага раёна. Біскуп Аляксандр Яшэўскі адзначыў, што яму заўсёды прыемна бываць у нашым рэгіёне, сустракацца з вернікамі, маліцца разам. Ён звярнуўся да парафіян з пасхальнымі віншаваннямі і заклікаў у гэтыя святочныя дні дасылаць малітвы Богу аб дараванні здароўя, пераадоленні эпідэміі, аб міласэрнасці і спакою. – Трэба падтрымаць нашых братоў і сясцёр, якія хварэюць, або перажываюць наступствы перанесенай хваробы, паклапаціцца аб сабе і сваіх родных, бо слова Божае дае сілы і ўмацоўвае нас. Сустрэць гэтае вялікае свята мы ўсе хочам з духоўнай радасцю, бо Пан Езус заўсёды з намі, – сказаў айцец Аляксандр.