Воскресенье, Июнь 24, 2018
Главная > Общество > Першамай у Чавусах

Першамай у Чавусах


Даволі складана вызначыць, што з’яўляецца найбольш яскравай рысай святкавання Першамая. Альбо гэта радасны настрой, альбо вясновыя фарбы прыроды. А можа гэта пачуццё еднасці людзей, якія прыйшлі раніцай 1 мая на гарадскую плошчу паўдзельнічаць у гулянні, наладжаным з нагоды Свята Працы, а заадно купіць патрэбныя тавары на вясновым кірмашы. Садавіна, агародніна, іншая сельскагаспадарчая прадукцыя, якую прапанавалі СПК раёна, жывая рыба, мяса, смажаныя на мангале шашлыкі, кандытарскія вырабы – тавары на любы густ чакалі сваіх пакупнікоў.
Радавалі вока творы дэкаратыўна-пракладнога мастацтва, прадстаўленыя на першы этап штогадовага конкурсу “Шукаем таленты”. Дэманстравалі натхненне майстроў вырабы, прадстаўленыя М.Т.Пехцеравай, якая выдатна вяжа кручком, А.Палуян прадставіла работы з тканіны, О.В.Кавалёва з Петухоўкі прадэманстравала тканыя ручнікі, а А.Э.Смірнова з Чавус парадавала прысутных карцінамі, вышытымі бісерам. Работы ў стылі габелен прадставілі на конкурс члены раённай арганізацыі Беларускай асацыяцыі “Дапамога дзецям-інвалідам і маладым інвалідам” С.В.Анікеенка і М.Г.Басалбасаў.
Разнастайнай была і выстава, арганізаваная выхаванцамі Чавускай раённай школы рамёстваў. Тут былі і інкрустацыя саломкай, і работы ў стылі бацік, і керамічныя вырабы.
Новую канцэртную праграму прадставіў на суд гледачоў народны ансамбль народнай песні “Раніца” з Каменкі. Творчай групай раённага цэнтра культуры і вольнага часу таксама былі падрыхтаваны разнастайныя канцэртныя нумары. Але сапраўднай інтрыгай свята стала імя пераможцы ў конкурсе “Іграй, гармонь, гучы, прыпеўка!” У гэтым годзе ў ім удзельнічалі 26 аматараў народнай музыкі і спеваў. Кожны з іх хацеў спадабацца гледачам, таму нумары атрымаліся арыгінальнымі і вясёлымі. А лепшым гарманістам журы прызнала В.С.Гаўрыловіча з забалацця, які ў свае 88 гадоў уразіў усіх прысутных энергічнасцю і майстэрствам грання на гармоніку. Пераможцай у конкурсе прыпевак стала Т.І.Манкевіч з Чавус. Асобным прызам журы і гледачы адзначылі дзіцячы дуэт з Каменкі у складзе Дар’і Наважылавай і Валерыі Жыркевіч. Актыўнымі ўдзельнікамі свята сталі маленькія жыхары нашага горада. Для іх была наладжана гульнёва-забаўляльная пра-грама, што праводзілі казачныя персанажы Вясна і Скамарох, у ролі якіх выступілі Л.Хацятоўская і Т.Галанава. А вялізныя гелевыя шары з выявамі любімых персанажаў мультфільмаў і, вядома, папкорн і іншыя прысмакі, набытыя бацькамі, дабавілі ўсмешак на дзіцячыя тварыкі і пачуцця сапраўднага свята, якое запомніцца надоўга.
Н.ШКРЭДАВА.

Версия для слабовидящих







Президент Беларуси утвердил отчет Национального банка за 2017 год

Президент Беларуси Александр Лукашенко утвердил отчет Национального банка за 2017 год. Глава государства подписал соответствующий указ 21 июня. Отчет подготовлен в соответстви...

Погода в Чаусах

Погода Чаусы
Информация сайта pogoda.by

Чаусский кинотеатр «Сузор’е» предлагает к просмотру новые фильмы

КИНОАФИША  СУЗОРЬЕ 20 июня В 11.00 и 16.00 «Тачки-3». 3D. Детский 20 и 21  июня В 19.00 «Тренер». 2D. Взрослый 21 июня В 11.00 и 16.00  «Монстры против пришельцев». 3D. Детск

Архив публикаций

Полезные ссылки