[Малавядомая Магілёўшчына] Падарожжа карэспандэнтаў у аграгарадок Расна Дрыбінскага раёна | Официальный сайт Чаусской районной газеты "Искра"
Главная > Калейдоскоп > [Малавядомая Магілёўшчына] Падарожжа карэспандэнтаў у аграгарадок Расна Дрыбінскага раёна

[Малавядомая Магілёўшчына] Падарожжа карэспандэнтаў у аграгарадок Расна Дрыбінскага раёна


Карэспандэнты «Іскры» даведаліся, што ў цэнтры аграгарадка Расна Дрыбінскага раёна на Магілёўшчыне размяшчаецца старажытны касцёл. Вырашылі наведаць гэты населены пункт. У паездку збіраліся хутка, не адкладаючы мэту ў доўгую скрыню. І вось, неўзабаве ўжо едзем па прасторах Магілёўшчыны, усё хутчэй аддаляючыся ад роднага горада. Літаральна праз паўтары гадзіны бачым шыльду з надпісам «Расна». Куды накіравацца ў далейшым – не ведаем. Аграгарадок знаходзіцца як бы на ўзвышшы, унізе раскінуліся палі, бяжыць невялікая рачулка Вярбоўка. Мы спыніліся, як нам падалося, у цэнтры.

Разглядаючы наваколлі, і не меркавалі, што за некалькі крокаў ад нас ўбачым дах шыкоўнага старадаўняга будынка. Пацікавіліся пра касцёл у мясцовых жыхароў. Рушылі насустрач першаму мінаку, які з гонарам адказаў: «Гэта касцёл Святога Казіміра. Славутасць аграгарадка!».
Храм захаваўся ў часткова разбураным стане. Мы пайшлі ў бок пабудовы. А як толькі падышлі бліжэй, анямелі ад захаплення. Шыкоўны будынак прыцягваў позірк: вялікасныя калоны ўзнесліся ў вышыню, паўкруглыя вокны размяшчаюцца абапал. Прайсці і не зазірнуць хоць акрайкам вока – было проста немагчыма. Вядома, гэтаму будынку патрабуецца аднаўленне, ён моцна пашкоджаны, засталася толькі аснова касцёла, пабудаванага ў XIX стагоддзі.

Аднак, прыехаўшы дадому, вывучыўшы звесткі літаратурных архіваў, мы высветлілі, што аналагаў Раснянскаму касцёлу няма. Як распавялі мясцовыя жыхары, першы, яшчэ драўляны, храм у мястэчку з’явіўся ў сярэдзіне XVIII стагоддзя і меў назву Святога Касьмы. У верасні 1775 года, з дазволу імператрыцы Кацярыны II касцёл на няпэўны час быў зацверджаны парафіяльным. Драўляны храм праіснаваў да пачатку XIX стагоддзя, быў знішчаны моцным пажарам. Будаўніцтва новага мураванага касцёла працягвалася з 1812 па 1818 гады. А ў 1819 годзе ён быў асвячоны ў гонар Святога Казіміра.

Вядома, што яшчэ ў 1910 годзе ён знаходзіўся ў добрым стане, быў дзейсным і не патрабаваў рамонту. У час Вялікай Айчыннай вайны будынак моцна пацярпеў і больш не аднаўляўся. Па чутках, з яго пачынаўся падземны ход, нібыта можна было прайсці на другі бок возера. У падзямеллі храма захоўваліся боепрыпасы, якія былі ўзарваныя, з-за чаго сам тунэль заваліла, а ад касцёла засталіся адны разваліны.

Акрамя самога Раснянскага касцёла на прылеглай тэрыторыі размяшчаліся: гаспадарчая пабудова, агарод, сад, могілкі, драўляная званіца. Яны таксама не захаваліся. Храм гэты з’яўляецца помнікам архітэктуры даволі рэдкага для Беларусі стылю класіцызма, нагадвае рымскія будынкі. Руіны касцёла – не адзіная славутасць аграгарадка. Таксама тут знаходзяцца рэшткі помніка канца XIX стагоддзя – сядзібнага комплексу Спыткоўскіх. Ёсць на гэтай тэрыторыі і габрэйскія могілкі, якім больш за 300 год. Так, невялікі аграгарадок мае некалькі культурна-гістарычных каштоўнасцяў, якія прыцягваюць падарожных людзей.

Мы даведаліся, што словам «расна» называлі ўпрыгажэнні, якія насілі жанчыны з багатых саслоўяў. Калі Расна быў горадам (а маюцца і такія звесткі), у ім былі добра развіты рамёствы і гандаль, якія прыносілі немалы прыбытак. У сувязі з гэтым паселішча называлі Расна.
Вяртаючыся дадому, уражаныя журналісты, доўга дзяліліся адзін з адным станоўчымі эмоцыямі, яшчэ раз пацвердзіўшы, што адпачываць на тэрыторыі Магілёўшчыны цікава і пазнавальна.

Людміла САЎЧАНКА

  • Последние записи

    100-летний юбилей в агрогородке Горбовичи отметил Александр Григорьевич Огородников

    Александр Лукашенко рассчитывает на быстрое восстановление экономики Беларуси после открытия мировых рынков

    Что можно посмотреть в чаусском кинозале «Сузор’е»

    Кирилл Борисенко совсем недавно начал работать в ОАО «Дужевка» инженером-механиком

    Как одногруппникам, Нине Щербо и Андрею Карловичу, работается в чаусском лесхозе

    30 мая и 10 июня в Чаусском районе в магазинах не будут продавать алкоголь

    Волонтеры из Чаусского района участвуют в поиске пропавших людей

    О загадке древнего рода Пора-Леоновичей из Скварска Чаусского района

    В Чаусах дан старт третьему трудовому семестру

    В торжественной обстановке Евгений Шкредов 22 мая принял присягу

    Александр Лукашенко обсудил с Караником и Косинцем лицензирование медицинской деятельности

    Центризбирком 20 мая завершил регистрацию инициа­тивных групп граждан по выдвижению кандидатов в Президенты Беларуси

  • Версия для слабовидящих

     

    Александр Лукашенко рассчитывает на быстрое восстановление экономики Беларуси после открытия мировых рынков

    Президент Беларуси Александр Лукашенко видит возможность скорого восстановления в национальной экономике после падения, вызванного закрытием стран и мировых рынков в условиях панд...

     

     

     

     

     

     

     

     

     

    Что можно посмотреть в чаусском кинозале «Сузор’е»

    27 и 28 мая В 11. 00 и 16.00  «КОРОЛЕВСКИЙ КОРГИ».  Детский В 18.00  «ДЖЕНТЛЬМЕНЫ»16+ 29 и 30 мая В 11. 00 и 16.00  «КАПИТАН САБЛЕЗУБ И ВОЛШЕБНЫЙ Б...

    Погода в Чаусах

    Яндекс.Погода


     

    Архив публикаций