ArabicBelarusianChinese (Simplified)DutchEnglishFrenchGermanItalianPortugueseRussianSpanish

Галасаваць трэба


Дата: 06.11.2019 | Просмотров: 478

Выбары ў Палату прадстаўнікоў Нацыянальнага сходу Рэспублікі Беларусь сёмага склікання ўвайшлі ў чарговую фазу – агітацыю за кандыдатаў у дэпутаты. І ў сувязі з гэтым я хачу паразважаць разам з вамі, шаноўныя чытачы, на актуальную зараз тэму.

Беларусь – незалежная дзяржава, але каб рухацца далей, патрэбны новыя законы, якія адпавядаюць патрабаванням часу і рэаліям сучаснага свету. Такія законы распрацоўваюць і прымаюць дэпутаты Палаты прадстаўнікоў Нацыянальнага сходу Рэспублікі Беларусь.Таму там патрэбны людзі розных прафесій, практыкі з вопытам работы ў розных галінах народнай гаспадаркі і грамадскай дзейнасці, як сталыя, так і маладыя. Прыходзіцца іншы раз чуць ад знаёмых: «А што мне дадуць тыя выбары? Не пайду на выбарчы ўчастак». А ісці трэба для таго, каб потым не казаць, маўляў, не таго выбралі. Можа і не таго.

Можа для іншага, лепшага, і не хапіла тых галасоў людзей, якія не прыйшлі галасаваць. І ў дэпутаты прайшоў той, які прыгожа абяцаў дабівацца павышэння пенсій, пасобій, льгот. Толькі ён не кажа, дзе ж браць для выканання сваіх праграм сродкі, бо не заўсёды ведае эканамічныя, прававыя законы грамадства. Адсюль я звяртаюся да вас, мае паважаныя землякі, уважліва прачытайце праграмы тых кандыдатаў у дэпутаты Палаты прадстаўнікоў, якія балатуюцца па Магілёўскай сельскай выбарчай акрузе №88, паразважайце са сваімі хатнімі, суседзямі, сябрамі, можа, недзе і паспрачайцеся. А будучым дэпутатам ёсць над чым працаваць. Мяне асабіста хвалююць пытанні, звязаныя з умацаваннем інстытута сям’і, барацьбой з распаўсюджваннем наркотыкаў, дэмаграфічнай сітуацыяй і іншыя.

Існуе і такі бок сувязі выбаршчыкаў са сваімі дэпутатамі, як наказы грамадзян. Я – удзельнік ліквідацыі аварыі на Чарнобыльскай АЭС. Сустракаючыся з другімі ўдзельнікамі, прыходзіцца канстатаваць, што ў многіх узрост пераваліў за 70 год. Часта прыходзіцца нам наведваць бальніцы. І мой наказ такі: вярнуцца да пытання льгот ліквідатарам.

Якім я бачу свайго дэпутата? Гэта чалавек неабыякавы, любіць сваю Айчыну, свой народ і які думае пра іх далейшы росквіт.

Валерый ГАЎРЫШ