Суббота, Сентябрь 22, 2018
Главная > Актуальные новости > Духоўнасть і асвета крочаць разам

Духоўнасть і асвета крочаць разам


Як мы паведамлялі ўжо, 30 жніўня ў рамках святкавання Дня беларускага пісьменства у Чавусы завітае духоўна-асветніцкая экспедыцыя “Дарога да Святыняў”. Аб адным складніку духоўнай часткі экспедыцыі – лампадзе з Благадатным Агнём ад Гроба Гасподняга – мы ўжо расказалі чытачам. Але з экспедыцыяй вандруе яшчэ адна Святыня – цудатворная Загор’е-Сталавіцкая ікона Пакрову Прасвятой Багародзіцы. “Гэты абраз стаў Адзігітрыяй (Шляхавадзіцельніцай), ён вызначае шлях экспедыцыі, – кажа кіраўнік экспедыцыі пісьменніца і грамадскі дзеяч Ніна Загорская. – Пасля Мінскага Свята-Духавага кафедральнага сабора экспедыцыя заўсёды напраўляецца на святое Поле, што знаходзіцца каля вёскі Загор’е Сталавіцкага сельскага савета Баранавічскага раёна Брэсцкай вобласці і на якім быў знойдзены абраз іконы Пакрову Прасвятой Багародзіцы”.

Адбылося гэта ў 1983 годзе. Падчас будаўніцтва аўтамагістралі Бер-лін-Брэст-Масква на гэтым полі быў адведзены кар’ер для здабычы гравія. І ў першым каўшы экскаватара разам з зямлёй была яўлена названая ікона. І адразу здарыўся першы цуд Святыні – страх Божы ўразуміў дарожнікаў з Урала не гнявіць Бога, не вывозіць астанкі праху праваслаўных продкаў разам з гравіем на палатно будуемай дарогі (як потым высветлілася, на гэтым полі былі захаванні воінаў часоў Першай сусветнай і ранейшых войнаў). Былі і другія цуды ад з’яўлення Загор’е-Сталавіцкай іконы Пакрову Прасвятой Багародзіцы. Ёй у 1993 годзе благаслаўлялася і адраджэнне Баркалабаўскага Свята-Узнясенскага жаночага манастыра, што ў 12 км ад Быхава. Манастыр дзейнічае, будуецца. Вярнулася ў манастыр і ікона Божай Маці Баркалабаўская, якая да гэтага захоўвалася ў Магілёве.

Праслаўлены вобраз Загор’е-Сталавіцкай іконы Пакрову Прасвятой Багародзіцы Сінодам Беларускай Праваслаўнай Царквы 8 жніўня 2000г. вызначана устанавіць ў вёсцы Загор’е Сталавіцкага с/с. Але храма ў Загор’і яшчэ няма, а толькі капліца. Па багаславенні Мітрапаліта Мінскага і Слуцкага, Патрыяршага Экзарха ўсяе Беларусі Філарэта праводзіцца збор сродкаў на будаўніцтва храма. А пакуль гэта ікона знаходзіцца ў кельі Мітрапаліта Філарэта, Прадстаяцеля Беларускай Праваслаўнай Царквы і падчас экспедыцыі вандруе разам з ёй па рэгіёнах. Таму ікона прыйдзе і да нас, каб жыхары Чавус і раёна змаглі з малітвай звярнуцца да Божай Маці.

Тое, што экспедыцыя носіць назву духоўна-асветніцкай, гаворыць аб непадзельнай сувязі духоўнасці і асветы. Культура, пісьменнасць нашага народа цесна звязаны з царквой – яны ў літаральным сэнсе былі народжаны хрысціянствам, бо да яго прыходу на нашы землі тут не было ніводнага пісьменніка, ніводнай кнігі, і першыя з іх – і рукапісныя, і друкаваныя, якія стварыў наш першадрукар Францыск Скарына – былі менавіта рэлігійныя. Можна ўзгадаць рукапіснае турайскае Евангелле, надрукаваныя Скарынам “Псалтыр” і “Апостал”, Баркалабаўскі летапіс і іншыя. Былі трагічныя перыяды ў беларускай гісторыі, калі існавала небяспека, што беларусы як нацыя перастануць існаваць, і толькі дзякуючы праваслаўнай Царкве беларусы захаваліся як народ і нацыя. Невыпадкова сучасны беларускі гісторык Якаў Трашчанок напісаў у сваім падручніку па гісторыі для студэнтаў ВНУ: “Праваслаўная царква – гэта маці беларускай нацыі. Калі б яе, праваслаўную царкву, удалося знішчыць, а такія спробы былі ў гісторыі, то на гэтай зямлі не было б беларусаў. Можна згадаць шмат прыкладаў, калі менавіта праваслаўныя людзі, царкоўнаслужыцелі прымалі актыўны ўдзел у адраджэнні беларускай мовы, культуры».

У гістарычнай памяці беларускага народа беражна захоўваюцца імёны тых людей, якія вызначылі духоўны шлях развіцця нашага грамадства. Іх жыццё і служэнне натхняе многія пакаленні беларусаў захоўваць і прымнажаць духоўную спадчыну Бацькаўшчыны. Гэтаму служыць і Міжнародная навукова-асветніцкая экспедыцыя “Дарога да Святыняў” з Благадатным Агнём ад Гроба Гасподняга. Як казаў Мітрапаліт Мінскі і Слуцкі, Патрыяршы Экзарх усея Беларусі Філарэт, семя праваслаўнай духоўнасці і нацыянальнай пісьменнай культуры, пасеянае ў нашых сучаснікаў – гэта высокі прыклад церпялівай працы, якая здзяйсняецца з года ў год, дзень за днём і часам бывае не бачна ў мітусні жыцця. Але яркім напамінам аб такой працы застаюцца Сады Малітвы, якія садзяцца ў тых месцах, дзе была экспедыцыя, памятныя крыжы на месцах баявой славы нашых блізкіх і далёкіх продкаў.

В.ГАЎРЫШ,

прыхажанін Свята-Узнясенскай царквы г.Чавусы.

 

  • Последние записи

    Комплексное учение с органами управления и силами районного звена Могилёвской территориальной подсистемы ГСЧС и ГО проходило с 19 по 21 сентября в Чаусском районе

    О работе Каменского сельисполкома рассказывает его председатель Олег Пусиков

    Жители агрогородка Каменка поддерживают порядок в подъезде и на дворовой территории

    Чаусские юные биатлонисты лучшие в области

    Встречи в рамках Единого дня информирования прошли в Чаусском районе

    Чаусским ребятам о налогах

    Президент Беларуси — опыт Финляндии в лучших секторах экономики надо перенести в Беларусь

    В Детской школе искусств и Детской школе изобразительных искусств и художественных ремесел города Чаусы раскрывают таланты

    День открытых дверей в Могилевском институте МВД состоится 5 октября

    Субботник по наведению порядка и благоустройству территории пройдет 22 сентября в Чаусском районе

    Юные гандболисты Чаусского района пробились в очередной этап турнира Zubr Cup

    Любителей спорта ждут в ГУ «Чаусский центр физкультурно-оздоровительной работы»

  • Версия для слабовидящих

    Реклама

    Приглашаем! С 25 по 28 сентября 2018 года (с 10.00 до 17.30) в учреждении культуры «ЧАУССКИЙ ИСТОРИКО-КРАЕВЕДЧЕСКИЙ МУЗЕЙ» (ул. Советская, 1) на ВЫСТАВКУ-ПРОДАЖУ «МИР САМОЦВЕТОВ». -Изделия из натуральных и искусственных камней, жемчуга, коралла: бусы, кольца, серьги, браслеты, кулоны, брелки, деревья и др. Вход платный, взр.-1 р., дет.-50 коп., тел. для справок 2-12-37. Литенкова О.Г. МА 1249733





     






    Президент Беларуси — опыт Финляндии в лучших секторах экономики надо перенести в Беларусь

    Опыт Финляндии в лучших секторах экономики надо перенести в Беларусь. Такую задачу глава государства Александр Лукашенко поставил при назначении нового посла в эту страну.

    Что можно посмотреть в кинозале «Сузор’е»

    КИНОАФИША СУЗОРЬЕ  19-20 сентября В 11.00 и 16.00 «БОСС-МОЛОКОСОС». 3-D детский 19 сентября В 19.00 «Ночные игры» 2-D детский 21 сентября В 11.00 и 16.00 «Смешарики .Дежавю».

    Погода в Чаусах

    Погода Чаусы
    Информация сайта pogoda.by


     

    Архив публикаций

    Новостная лента БЕЛТА