Понедельник, Декабрь 10, 2018
Главная > Калейдоскоп > Хрышчэнне Русі: духоўная сутнасць

Хрышчэнне Русі: духоўная сутнасць


Для веруючых і ўсіх жыхароў раёна

Сёлета народы Беларусі, Расіі і Украіны святкуюць 1025-годдзе Хрышчэння Русі. 1025 год таму нашы продкі сталі на шлях пазнання хрысціянскай веры, без якой немагчыма ўявіць сабе ні гісторыю беларускай зямлі, ні яе сённяшні дзень.

Знаёмячыся з падзеямі ў сувязі з Хрышчэннем Русі, здзіўляешся, як сур’ёзна і абдумана падыйшоў малады кіеўскі князь Уладзімір Святаслававіч, якому на той час было толькі 25 гадоў, да пытання веры. Святы Уладзімір зразумеў, што асабістае жыццё і жыццё дзяржавы можна ствараць толькі на падмурку веры ў Бога. Яго падначаленыя пакланяліся ў той час паганскім багам, якія ўвасаблялі незразумелыя для іх сілы прыроды. Князь усебакова знаёміцца з існаваўшымі ў той час рэлігіямі. А выбіраць было з чаго. На поўдні ад Кіева Хазарскі каганат, кіраўніцтва якога спавядала іўдаізм; на Ўсходзе волжскія булгары прынялі іслам; рымскі Папа прысылае сваіх паслоў і гатоў хрысціць народ Русі ў каталіцтва. Але князь выбірае праваслаўе з цэнтрам у Канстанцінопале, сталіцы Візантыйскай імперыі. Зразумела, што тут не абыйшлося без палітычных матываў. Візантыйская імперыя была ў той час магутным утварэннем. І быць пад яе пакравіцельствам было ганарова для маладой Русі, якая стварала сваю дзяржаўнасць. Але не абыйшлося і без промысла Божыя. Для бязбольнага і паспяховага Хрышчэння свайго народа князь прыцягнуў многіх дарадцаў, адправіў паслоў у суседнія дзяржавы для азнаямлення з іх веравызнаннямі, тым самым даў рускім людзям самім пераканацца, якая вера лепей. Дарадцы аднадушна раілі праваслаўную веру. І ў 988 годзе адбылося Хрышчэнне Русі. Гэта станоўча паўплывала і на духоўную культуру Беларусі, а найперш на народы Полацкага і Тураўскага княстваў як першых дзяржаўных утварэнняў на нашых землях. Дактрыны і маральныя прынцыпы праваслаўя сталі цэнтральнымі ў філасофскіх канцэпцыях нацыянальных мысляроў, пачынаючы з Францыска Скарыны, Сымона Буднага, Кірыла Тураўскага. Гэта тыя хрысціянскія каштоўнасці, якія цяпер з’яўляюцца фундаментам духоўнасці беларусаў.

Святкаванне з нагоды 1025-годдзя Хрышчэння Русі ў нашай краіне  пачалося ўжо. У Мінску прайшла міжнародная навукова-практычная канферэнцыя пад назвай “Хрышчэнне Русі ў лёсах Беларусі, Расіі і Украіны: выбар цывілізаванага шляху”. Было агучана 150 дакладаў. У Магілёве адбыўся фестываль духоўнай музыкі “Магутны Божа”, прысвечаны юбілею. Ладзяцца і іншыя мерапрыемствы. Эпагеем святкавання стане Боская літургія пад адкрытым небам з удзелам Патрыярха Маскоўскага і ўсяе Русі, якая адбудзецца ў Мінску 29 ліпеня.

Таксама распрацаваны план мерапрыемстваў і для нашага раёна. 28 ліпеня ў дзень памяці святога раўнаапостальскага князя Уладзіміра пасля Боскай літургіі адбудзецца хрэсны ход па Чавусах з малебнам аб дараванні дабрабыту, здароўя ўсім жыхарам Чавускага раёна. Потым каля новага храма адбудзецца канцэрт духоўных песнапенняў з удзелам хора Свята-Узнясенскай царквы г.Чавусы і калектыва цэнтра культуры і вольнага часу. Таксама запланавана паломніцкая паездка ў Мінск на набажэнства з удзелам Патрыярха.

Зараз нашы нацыянальныя каштоўнасці, такія, як сям’я, Радзіма, гонар, праваслаўная вера падвяргаюцца ўсялякім атакам. І мы  павінны зразумець і з новай сілай ацаніць духоўную сутнасць той апостальскай справы, якую здзейсніў князь Уладзімір, што хрысціў нашых продкаў.

В.ГАЎРЫШ, жыхар г.Чавусы.

 

  • Последние записи

    Кто победил в «Семейной олимпиаде» в Чаусах 8 декабря

    Очередной выездной семинар День Совета прошел 6 декабря в Радомльском сельсовете

    Владыка Софроний провел праздничное богослужение в Горбовичах

    Зеленый информационный центр открылся в Чаусах

    Газета вместо Интернета? [Как прошла работа секции журналистских кадров в Чаусах]

    Робот для изучения физики и приложение для быстрого чтения. Определены победители конкурса IT-проектов для молодежи

    Республиканская акция «Безопасный Новый Год!» пройдет в Могилевской области с 3 по 28 декабря

    О СОДЕЙСТВИИ ЗАНЯТОСТИ НАСЕЛЕНИЯ [О ДЕКРЕТЕ №3 ЖИТЕЛЯМ ЧАУС И ЧАУССКОГО РЙАОНА]

    Президент Беларуси совершит рабочий визит в Россию для участия в саммитах ЕАЭС и СНГ

    Интеллектуальная игра «Моя Беларусь» прошла 1 декабря на базе Центра дополнительного образования детей и молодёжи города Чаусы

    Чаусский лесхоз присоединился к уникальному проекту

    ЖИТЕЛИ ЧАУС ПРИНЯЛИ УЧАСТИЕ ВО ВСТРЕЧЕ С ПАПОЙ РИМСКИМ

  • Версия для слабовидящих

    Президент Беларуси совершит рабочий визит в Россию для участия в саммитах ЕАЭС и СНГ

    Президент Беларуси Александр Лукашенко совершит рабочий визит в Российскую Федерацию для участия в заседании Высшего Евразийского экономического совета и неформальной встрече глав

    Что можно посмотреть в кинозале «Сузор’е»

    5 и 6 декабря В 11.00 и 16.00 «ПОДНЯТЬ ЯКОРЯ!». Детский. 5 декабря В 18.00 «ГАЗГОЛЬДЕР. КЛУБАРЕ». Взрослый. 6 декабря В 18.00 «КАК ЖЕНИТЬ ХОЛОСТЯКА». Взрослый. 7 декабря В 1...

    Погода в Чаусах

    Погода Чаусы
    Информация сайта pogoda.by


     

    Архив публикаций

    Новостная лента БЕЛТА