Главная > Культура > Праздники > ПРАВЫ І АБАВЯЗКІ

ПРАВЫ І АБАВЯЗКІ


Першая рэдакцыя Канстытуцыі Рэспублікі Беларусь як суверэннай дзяржавы, а не ў складзе федэратыўнага аб’яднання, якім быў СССР, прынята 15 сакавіка 1994 года Вярхоўным Саветам (так тады называўся парламент краіны).

Нягледзячы на тое, што ў выніку ўсенароднага рэферэндуму ў лістападзе 1996 года Канстытуцыя пераважнай большасцю галасоў была прынята ў новай рэдакцыі са  змяненнямі і  дапаўненнямі, дзеля захавання пераемнасці і ў знак павагі да значнасці такой падзеі як прыняцце першай Канстытуцыі сапраўды незалежнай дзяржавы свята Асноўнага закона адзначаецца менавіта 15 сакавіка.

Магчыма, хто забыўся, а моладзь дык і не ведае, што рэферэндум праходзіў на “фоне” даволі вострай палітычнай сітуацыі ў краіне. Прапаноўваліся два варыянты змяненняў: прэзідэнцкі  і групы дэпутатаў Вярхоўнага Савета.

Абодва варыянты былі прадстаўлены на шырокае абмеркаванне грамадскасцю. Неабходнасць змяненняў   аб’ектыўна была выклікана тым, што на той момант у Беларусі ўсталявалася прэзідэнцкая форма дзяржаўнага кіравання, але ўзаемаадносіны паміж галінамі вярхоўнай улады не былі да-кладна прапісаны ў першай рэдакцыі Канстытуцыі. Якраз гэтых момантаў і датычылі змяненні. У астатнім жа палажэнні Асноўнага закона  наконт правоў і абавязкаў грамадзян заставаліся ранейшымі.

На рэферэндуме за прэзідэнцкі варыянт новай рэдакцыі Канстытуцыі па рэспубліцы выказаліся 70,4 працэнта прыняўшых удзел  у галасаванні грамадзян, у Чавускім раёне – 93,5 працэнта. Можна па-рознаму падыходзіць да вынікаў галасавання, але факт застаецца фактам, і ад гэтага нікуды не дзенешся.

Тыя, хто не згодны з вынікамі таго галасавання (ды наогул, любога, што праходзіць у нашай дзяржаве), маўляў, народ  “непадрыхтаваны” (ці наадварот – “падрыхтаваны”), “несвядомы”, могуць, паводле Канстытуцыі, свабодна гаварыць і пісаць пра гэта. Дарэчы, што і робяць у апазіцыйнай прэсе, на мітынгах і палітычных тусоўках. Не кажучы  пра Інтэрнэт.

Але пры тым не трэба забываць, што разам з правам на  свабоду слова існуе і канстытуцыйны абавязак  захоўваць законы. Яны могуць падабацца ці не, але падпарадкоўвацца ім грамадзянін абавязаны. Заўважым, што падобнае палажэнне правадзейнае для любой дзяржавы, незалежна ад існуючага ў ёй ладу.

У сувязі з гэтым прыгадваецца эпізод фільма “Беларускі вакзал”. Там начальнік вымушае бухгалтара, ветэрана Вялікай Айчыннай вайны 1941-45 гг., пайсці супраць закона, маўляў, закон недасканалы. А ветэран пярэчыць начальніку: “Вы малады, энергічны, дабівайцеся змянення закона, калі лічыце, што ён недасканалы. А пакуль закон існуе, я буду яго выконваць”.

Напрыклад, існуе зацверджаны законам парадак правядзення мітынгаў, пікетаў, дэманстрацый, яго павінны прытрымлівацца і грамадскія аб’яднанні, і асобныя грамадзяне. На жаль, жыве ў нашай дзяржаве пэўны кантынгент, не такі ўжо шматлікі, які дзейнічае па прынцыпу: дзе хочам – там і гуртуемся. Або – ёсць канстытуцыйны абавязак абароны Айчыны і службы ва Ўзброеных Сілах. Не, падавай ім цалкам прафесійную армію. Між тым нават у супер дэмакратычных Злучаных Штатах існуе інстытут рэзервістаў, якіх мабілізуюць у час вострых ваенных канфліктаў. Хочуць яны гэтага ці не, і з вельмі сціплай аплатай.

Дарэчы, здаецца ў Англіі нарадзілася вобразнае выказванне: ёсць свабода біць шкло і ёсць свабода ўстаўляць шкло. Дык давайце ўсё-такі ўстаўляць шкло!

В.ЛУК’ЯНАЎ.

 

  • Последние записи

    22 мая православные верующие Чаусского района чтят Николая Угодника

    1 июня 2019 года на городской площади пройдет ежегодный районный конкурс «Маленькая звезда»

    Президент Беларуси: Беларусь открыта для дружественных и деловых отношений со всеми государствами

    [Эхо войны] Где на территории Чаусского района обнаружили 41 снаряд?

    К старосте деревни Путьки Ольги Авчинниковой обращаются по вопросам уборки снега, качества уличного освещения и другим вопросам

    На территории Радомльского сельсовета осуществляет производственную деятельность ОАО «Агросервис», г.Чаусы

    Гордятся своими достижениями в Радомльском учебно-педагогическом комплексе детский сад-средняя школа

    Что можно посмотреть в кинозале «Сузор’е»

    Как посоревновались в игре в футбол дети средней школы № 2 и их родители

    О спортивной семье Юрия Клочкова [Ко Дню работников физической культуры и спорта]

    Педагогическое кредо Юрия Зайцева звучит так: «Обучая, учись сам. Воспитывая, работай над собой…»

    Елена Власик поздравляет работников физической культуры Чаусского района с праздником!

  • Версия для слабовидящих

    Рекама

    Продаётся 3-х комнатная квартира в г. Чаусы.
    Тел. 8-029-649-19-62

    Мир в твоей ладони (Цифровой рисунок Виктории Алексеевой)

    ...


    Президент Беларуси: Беларусь открыта для дружественных и деловых отношений со всеми государствами

    Беларусь открыта для дружественных и деловых отношений со всеми государствами. Об этом Президент Беларуси Александр Лукашенко заявил сегодня на церемонии вручения верительных грамо

    Что можно посмотреть в кинозале «Сузор’е»

    22 и 23 мая В 11.00 и 16.00 «МАУГЛИ. ЛЕГЕНДА ДЖУНГЛЕЙ». Детский. 22 мая В 19.00 «НУ РАЗВЕ НЕ РОМАНТИЧНО?». Взрослый    23 и 24 мая В 19.00 «КЛАУСТРОФОБЫ». Взрослый   24 мая ...

    Погода в Чаусах

    Яндекс.Погода


     

    Архив публикаций

    Новостная лента БЕЛТА