Воскресенье, Апрель 21, 2019
Главная > Год малой родины > У Вялікіх Амхінічах Чавускага раёна адзначылі свята вёскі [Ёй ужо 458 гадоў]

У Вялікіх Амхінічах Чавускага раёна адзначылі свята вёскі [Ёй ужо 458 гадоў]


Столькі народу ля свайго дворышча 90-гадовая Ніна Ягораўна Марозава даўно не бачыла – з паўсотні чалавек, не менш. І тутэйшыя жыхары сабраліся, і іх дзеці, што прыехалі пагасціць на выхадныя ці ў водпуск. Стаяў гоман дзіцячых галасоў, грала музыка… А повад для такога збору быў важкі – у Вялікіх Амхінічах адзначалі свята вёскі.

Перш-наперш цёплыя словы ў адрас яго ўдзельнікаў выказаў дырэктар ААТ «Рудэя Гранд» Уладзімір Жданко. Ён павіншаваў усіх са святам і як кіраўнік базавай гаспадаркі на гэтай тэрыторыі паабяцаў і далей дапамагаць вяскоўцам па меры магчымасці ў вырашэнні надзённых праблем. А тым, хто яшчэ працуе ў сельскай гаспадарцы, выказаў падзяку за добрую работу. Такія мерапрыемствы, адзначыў Уладзімір Радзіонавіч, вяскоўцам неабходныя, бо гэта добрая магчымасцсь разнастаіць свой вольны час, а заадно і даведацца шмат новага аб роднай вёсцы.

Ну а потым пачалася святочная праграма, якую вялі юныя ўдзельніцы мастацкай самадзейнасці Лёўкаўшчынскай сельскай бібліятэкі-клуба Карына Гігель і Жэня Каржова. Зарад бадзёрасці і весялосці надалі ўсім жартоўныя народныя песні, выкананыя ў самым пачатку, пасля чаго прыгадалі аб гісторыі вёскі, што аказалася досыць цікавай і багатай. Аказваецца, ёй ужо 458 гадоў, і напачатку гэта было сяло Мхінічы ў Магілёўскай воласці Вялікага Княства Літоўскага, што знаходзілася ў дзяржаўнай уласнасці. А праз 20 год яно перайшло на нейкі час да памешчыка. Пасля першага раздзелу Рэчы Паспалітай гэты населены пункт увайшоў у склад Расійскай імперыі, а ў канцы 17-га стагоддзя – у склад Магілёўскай эканоміі Чавускага павета. З часам мянялася і прыналежнасць вёскі, а потым і яе назва стала другой – Вялікія Амхінічы. У пачатку 20-га стагоддзя тут пражывала больш за 700 чалавек. Была адкрыта працоўная школа. Доўгі час вёска з’яўлялася цэнтрам сельскага Савета. Першы калгас, што быў тут арганізаваны, называўся імя М. Горкага.
У гады Вялікай Айчыннай вайны вёска была акупіравана фашыстамі. Многія з яе жыхароў, мабілізаваныя на фронт, загінулі або прапалі без вестак. У іх ліку – Селівестр Аляксееў, Барыс Адашкін, Максім Антоненка, Якім Баранаў, Іван Бардошкін…Песня «Памяць» у выкананні юнай салісткі Алы Бекасавай стала своеасаблівай данінай павагі тым, хто аддаў жыццё за мірны сённяшні дзень сваіх землякоў.


Але жыццё не стаіць на месцы. І вось ужо аповяд пра пасляваенны час: як аднаўлялася вёска, як працавалі людзі, не шкадуючы сіл, каб хутчэй адрадзіць гаспадарку, наладзіць уласны побыт. Самы час прыгадаць пра некаторых з іх, так званых старажылаў. На свяце ўшанавалі Тамару Іванаўну Патапаву, Марыю Гаўрылаўну Навічэнка, Аляксандру Якаўлеўну Цецерукову, якім ужо больш як па 80 гадоў. І, вядома ж, Ніну Ягораўну Марозаву, што спраўляе сёлета 90-гадовы юбілей. У якасці падарунка для іх прагучалі песні. Зрэшты, многія ў гэты дзень пачулі аб сабе добрыя словы.

… Вось ужо і канцэрт скончыўся, але людзі, нягледзячы на справы, што чакалі дома, не адразу разышліся. Яшчэ і песні спявалі, і нават танцы наладзілі. Шкада толькі, не было гармоніка. А ўсе дзеткі, якія прысутнічалі на свяце, атрымалі салодкія падарункі, аддзячылі і юных артыстаў.

– Такія мерапрыемствы аб’ядноўваюць мясцовых жыхароў, дораць людзям радасныя моманты, – адзначыла стараста вёскі Вялікія Амхінічы Марыя Малькова. – Вельмі спадабаўся канцэрт, арганізаваны загадчыцай Лёўкаўшчынскай бібліятэкі-клуба Ірынай Каржовай. Добра выступалі і дзеткі, і дарослыя. Аднавяскоўцы – гэта вялікая сям’я, кожны на віду, аднак за працай не заўсёды вось так можна сабрацца. Дзякуй арганізатарам за падоранае свята…
Наталля КАЛЕСНІКАВА

  • Последние записи

    Са святам, парафіяне!

    Сквер семейных деревьев заложен в Чаусах

    Жители Чаусского района потрудились на республиканском субботнике

    Посевная в разгаре [На мехдворе ОАО «Агросервис» г.Чаусы]

    О суверенитете, развитии страны и предстоящих выборах — Президент Беларуси обратился с ежегодным Посланием

    Лучшие на весенних полевых работах в Чаусском районе

    История о жизни семьи и веры в Бога родных Виктории Бортницкой из Чаус

    Оксана Завадская из Чаус открыла центр «Росток»

    В связи со 115-летием профсоюзного движения в Чаусах разместили баннер

    Торжественное открытие велодорожки в микрорайоне Центральный в Чаусах

    Воспитанники чаусской детской школы искусств вернулись с конкурсов с новыми победами

    Президент Беларуси обратится сегодня с ежегодным Посланием к народу и парламенту

  • Версия для слабовидящих

    Реклама

    Приглашаем за покупками!

    Большой выбор элитных сортов чая из Китая, Индии, Японии. Итальянский кофе. Новые сорта. Хороший ассортимент, приемлемые цены.
    Готовим кофе с собой.
    Ждем Вас по адресу: ул. Первомайская,
    26. ТЦ «Доброном» (2 этаж) с 10.00 до 18.00
    ИП Яроцкий Я.С. УНП 790990979

    Мир в твоей ладони (Цифровой рисунок Виктории Алексеевой)

    ...


    О суверенитете, развитии страны и предстоящих выборах — Президент Беларуси обратился с ежегодным Посланием

    Президент Беларуси Александр Лукашенко обратился сегодня с ежегодным Посланием к белорусскому народу и Национальному собранию. Президент Беларуси: в вопросах суверенитета и безопа

    Что можно посмотреть в кинозале «Сузор’е»

    КИНОАФИША  СУЗОРЬЕ  17 и 18 апреля В 11.00 и 16.00 «ПОБЕГ С ПЛАНЕТЫ ЗЕМЛЯ». 3D. Детский.  17 и 18 апреля В 19.00 «БАМБЛБИ». Взрослый   19 апреля В 11.00 и 16.00 «БЕЛОСНЕЖКА И

    Погода в Чаусах

    Яндекс.Погода


     

    Архив публикаций

    Новостная лента БЕЛТА