Среда, Октябрь 18, 2017
Главная > Актуально > Як перамагчы цэзій

Як перамагчы цэзій

Беларускія вучоныя асвойваюць тэхналогіі вырошчвання сельгаскультур на тэрыторыях, забруджаных радыеактыўным цэзіем у выніку аварыі на Чарнобыльскай АЭС.

Беларускія біёлагі стварылі інавацыйны метад замацавання ізатопаў цэзію ў глебе і абмежавання яго пераходу ў расліны, якія вырошчваюцца на забруджаных тэрыторыях.  Раней беларускімі вучонымі разглядалася некалькі варыянтаў вываду радые-актыўнага цэзію з глебы: ад спецыяльных рэчываў, сарбіруючых цэзій, да прымянення метаду фітарэмедыяцыі – высаджвання раслін, якія, паглынаючы ізатопы цэзію, выводзяць іх з глебы.

Выкарыстанне гэтых тэхналогій вельмі затратнае і на практыцы эканамічна неэфектыўнае, таму вучоныя засяродзілі ўвагу на стварэнні метадаў замацавання цэзію ў глебе з далейшым натуральным яго вывядзеннем да бяспечнага ўзроўню на працягу двух перыядаў паўраспаду, якія складаюць каля 60 гадоў.

Японскімі вучонымі распрацаваны новы метад, які дае магчымасць з дапамогай хімічнай рэакцыі эфектыўна выводзіць з глебы радыеактыўны цэзій. Але для Беларусі  важней было б распрацаваць тэхналогіі па вывядзенню з глебы радыеактыўных плутонію і амерыцыю, перыяд паўраспаду якіх вагаецца ад 500 да 1 тыс. гадоў.

Вучоныя Інстытута радыебіялогіі Нацыянальнай акадэміі навук праводзяць маніторынг і прагназаванне стану навакольнага асяроддзя, рэабілітацыю радыеактыўна забруджаных зямель. У інстытуце працуюць над стварэннем новых тэхналогій прафілактыкі захворванняў на аснове выкарыстання біялагічна актыўных дабавак і іншых лекавых сродкаў, рыхтуюць ахоўныя меры па пераадоленню аддаленых радыеэкалагічных наступстваў чарнобыльскай катастрофы. Тут таксама даследуюць механізмы адаптацыі арганізма чалавека да ўздзеяння фактараў навакольнага асяроддзя, у тым ліку ўздзеянне іанізуючага выпрамянення.

Паводле БЕЛТА

Парламенты Беларуси и Азербайджана могут внести значительный вклад в развитие двусторонних отношений

Парламенты Беларуси и Азербайджана могут внести значительный вклад в развитие двусторонних отношений. Об этом Президент Беларуси Александр Лукашенко заявил 13 октября на встреч...

Погода в Чаусах




Архив публикаций



Полезные ссылки