Пятница, Апрель 20, 2018
Главная > Общество > Свята першай баразны ў Чавускім раёне

Свята першай баразны ў Чавускім раёне

14 красавіка ў Чавускім раёне адбылося свята “Першай баразны”, або “Заворвання” – земляробчы абрад распачынання веснавых работ.

Першы выхад у поле ў нашых продкаў суправаджаўся старадаўнімі звычаямі. Гаспадар уставаў на досвітку, апранаў чыстую кашулю і, пакрапіўшы валоў ці коней крынічнай вадой, узяўшы хлеб, ваду і соль, выпраўляўся на пашу. У першы дзень рабілася адна або тры баразны. Затым селянін вяртаўся дадому, дзе яго чакаў багаты стол.

Ушаноўваючы  звычаі беларусаў, удзельнікі свята, кіраўнікі сельгасарганізацый высыпалі ў агульны кош зерне, прывезенае з сабой. Да гэтага насення было дададзена зерне з дажыначнага снапа ураджая мінулага года, які, дарэчы быў вельмі добрым. Бохан хлеба таксама заняў пачэснае месца у кошы, як сімвал адраджэння і ўрадлівасці зямлі.

Права першаму пачаць працу ў полі было вызначана праз жэрабя, у гэтай ролі выкарыстоўваліся выпечаныя крыжы, адзін з якіх быў з сюрпрызам– манетай. Калі кіраўнікі сельгасарганізацый атрымілі па крыжы і надламілі іх, высветлілася, што першым пачне працу Аляксандр Пухоўскі, выканаўчы дырэктар ААТ “МірныАгра”. Сімвалічна, бо свята адбывалася менавіта на полі гэтай арганізацыі Айцец Міхаіл, настаяцель Свята-Мікольскай благавіцкай царквы правёў малебен за багаты ўраджай.

Старшыня Чавускага раённага выканаўчага камітэта Сяргей  Драздоўскі павіншаваў удзельнікаў свята з пачаткам пасяўной і пажадаў поспеху, бо працаваць трэба хутка і якасна, бо вясна ў гэтым годзе адзначаецца познім прыходам. Сяргею Аляксандравічубыў урачыста паднесены каравай  леташняга ўраждаю, як сімвал будучага. Затым сімвалічнае права праверыць зямлю было прадстаўлена першаму намесніку старшыні Чавускага райвыканкама, начальніку упраўлення сельскай гаспадаркі і харчавання Дзмітрыю Зелянкевічу.

Апранутыя ў народныя кашулі сейбіты прайшлі па полю, кінулі зярняткі ў зямлю. Пасяўная ў раёне пачалася.

Паважаныя хлебаробы, поспехаў вам і багатага ўраджаю!

Версия для слабовидящих




Президент Белоруссии о взаимодействии с Молдовой: у нас нет закрытых тем для сотрудничества

Беларусь готова сотрудничать с Молдовой по всем направлениям, которые интересны этой стране, заявил журналистам Президент Беларуси Александр Лукашенко по итогам переговоров с Прези


Погода в Чаусах

Погода Чаусы
Информация сайта pogoda.by

Чаусский кинотеатр «Сузор’е» предлагает к просмотру новые фильмы

18 апреля В 11.00 и 16.00 «Капитан Подштанник». 2D. Детский. 18 и 19 апреля В 19.00 «Дикий ». 2D. Взрослый. 19 и 20 апреля В 11.00 и 16.00  «Ледниковый период-3:Эра динозавров...

Архив публикаций

Вконтакте

Одноклассники

Полезные ссылки