Четверг, Декабрь 13, 2018
Главная > Актуальные новости > Акно ў невядомае

Акно ў невядомае


Кніжны фонд раённай дзіцячай бібліятэкі налічвае 24440 экземпляраў розных выданняў, з якіх 19680 – кнігі. Юным чытачам ёсць магчымасць выбраць на свой густ літаратуру пазнавальнага, дэтэктыўнага, гістарычнага жанраў, або фантастыку ці класіку. Рэгулярна фонд папаўняецца новымі кнігамі, часопісамі.

Штодзень дзіцячую бібліятэку наведваюць дзесяткі школьнікаў і нават малышоў, якім казкі чытаюць бацькі, бабулі ці дзядулі. Сярод юных чытачоў ёсць і тыя, хто не радзей разу ў тыдзень бывае тут, каб узяць новую кніжку. І калі работнікі бібліятэкі пачалі пералічваць актыўных юных чытачоў, мы зразумелі, што расказаць аб усіх немагчыма. Выбралі некалькі прозвішчаў і распыталі падлеткаў аб тым, якое месца адведзена кнігам у іх вольным часе.

Ілья Філіпаў, вучань 8 класа СШ 2:

– Сам не памятаю, але маці расказвала, што навучыцца чытаць мне вельмі хацелася яшчэ ў зусім маленькім узросце. У 5 гадоў я ўжо чытаў па складах.

Зразумела, што першымі маімі кнігамі былі казкі, вершы К.Чукоўскага, С.Маршака, А.Барто. І зараз чытанне кніг застаецца самым любімым заняткам у вольны час. Праўда, у перыяд навучальнага года яго не так і шмат.

На канікулах вольнага часу больш, а таму ёсць магчымасць пышырыць кола чытання. У асноўным гэта школьнае заданне па рускай і беларускай літаратуры. Палову праграмнай літаратуры прачытаў ужо. Чытаю і фантастыку, вельмі люблю кнігі аб прыро-дзе, апавяданні пра жывёл, расліны… Яшчэ мне вельмі падабаецца маляваць, займаюся лепкой з гліны… Словам, сумаваць некалі.

Ліза Мардзялёва, вучаніца 8 класа СШ 1:

– Памятаю, што першай кнігай, прачытанай мною самастойна, была “Красная Шапочка”. У першы клас я пайшла ўжо ўмеючы чытаць. У бібліятэку часта наведваюся на працягу ўсяго года. Зараз чытаю і калі адпачываю на беразе рэчкі. Больш за ўсё мне падабаецца самой выбіраць кнігу на бібліятэчных паліцах. Затрымліваюся там, дзе знаходзяцца кнігі фантастычнага жанру. Але падабаюцца і дэтэктывы, і гістарычныя раманы. Каб наогул нейкая кніга зусім не падабалася – дык не, штосьці абавязкова зацікавіць. Адкрываючы новую кнігу, заўсёды крыху хвалюешся, быццам робіш крок у невядомае. Ды і сапраўды ж невядома, які сюжэтны сюрпрыз падрыхтаваў аўтар…

Захапленне чытаннем не перашкаджае мне займацца ў агульнаадукацыйнай школе на “выдатна”, наведваць урокі па класу фартэпіяна ў школе мастацтваў.

Насця Варанцова, вучаніца 8 класа СШ 2:

– У лік пастаянных наведвальні-каў дзіцячай бібліятэкі я трапіла тады, калі мы з бацькамі пераехалі з вёскі Петухоўка ў Чавусы. У нашай сям’і ўсе захапляюцца кнігамі. І мая маці Любоў Аляксееўна, і бацька Мікалай Уладзіміравіч. Дома ў нас шмат кніг розных жанраў. Зараз я чытаю “Три мушкетера” А.Дюма. Гэта кніга – з хатняй бібліятэкі. Чытаць люблю сапраўдныя друкаваныя кнігі. У электронным варыянце чытаю толькі тады, калі патрэбнай кнігі не аказваецца ў бібліятэках.

Увесь летні дзень у мяне размеркаваны: вучуся граць на баяне, дапамагаю ў хатніх клопатах бацькам, пакідаю час і на паход   да рэчкі.

Запісала Г.МАРОЗАВА.

 

 

  • Последние записи

    Очередной День подписчика прошел в Чаусах

    Президент Беларуси о ЕС: с соседями надо строить отношения и жить нормально

    Президент за снятие ограничений в России на участие белорусских спортсменов в игровых видах спортат Беларуси Александр Лукашенко выступает

    В Чаусах проходит республиканская благотворительная акция «Мы выбираем помощь пожилым людям»

    Чаусский РОВД предупреждает: осторожно, остерегайтесь мошенников

    «Наш мир, наша территория – это отдельное государство» [О работе в Чаусском психоневрологическом доме-интернате]

    Зимой работникам Чаусского УКП «Жилкомхоз» приходится трудиться в напряженном режиме

    Школьникам из Чаус рассказали как поступить в Военную Академию Республики Беларусь

    Пярсцёнак з гісторыяй

    Через объектив [Спорт в жизни фотокорреспондента из Чаус]

    Президент Беларуси проведет переговоры с Президентом Судана

    Что можно посмотреть в кинозале «Сузор’е»

  • Версия для слабовидящих

    Президент Беларуси о ЕС: с соседями надо строить отношения и жить нормально

    Беларусь намерена развивать отношения с Европейским союзом. Об этом Президент Беларуси Александр Лукашенко заявил на встрече с Чрезвычайным и Полномочным Послом Германии в Беларуси

    Что можно посмотреть в кинозале «Сузор’е»

    12 и 13 декабря В 11.00 и 16.00 «ТАЙНАЯ ЖИЗНЬ НАСЕКОМЫХ». Детский 12 и 13 декабря В 18.00 «МАРА. ПОЖИРАТЕЛЬ СНОВ». Взрослый 14 и 15 декабря В 11.00 и 16.00  «ПСЫ ПОД ПРИКРЫТИЕ...

    Погода в Чаусах

    Погода Чаусы
    Информация сайта pogoda.by


     

    Архив публикаций

    Новостная лента БЕЛТА