Главная > Официально > 23 верасня – выбары ў Палату прадстаўнікоў

23 верасня – выбары ў Палату прадстаўнікоў

Партыі пасіўнічаюць

У ходзе цяперашняй выбарчай кампаніі ў дэпутаты Палаты прадстаўнікоў  палітычныя партыі не праяўляюць актыўнасці. Такое меркаванне выказаў  намеснік кіраўніка Адміністрацыі Прэзідэнта Аляксандр Радзькоў  на семінары-нарадзе з ідэалагічным актывам і дэпутацкім корпусам Гомельскай вобласці.

Адной з магчымых прычын недастатковай актыўнасці, на яго думку, з’яўляецца малая колькасць існуючых партый, у той жа час у цяперашнім выглядзе партыям пакуль складана канкурыраваць. «Калі чалавек вылучаецца кандыдатам у дэпутаты ад працоўнага калектыву або, напрыклад, гэта кіраўнік раённага ўзроўню, то людзі яго ведаюць па справах. Але, як часта бывае, многія кандыдаты, вылучаныя ад апазіцыі, шмат гадоў беспрацоўныя. Як можа ён выклікаць давер людзей, як аддаць яму перавагу, калі не зразумела, што ён па жыцці зрабіў», – падкрэсліў першы намеснік кіраўніка Адміністрацыі.

Выбарам давяраюць

Схільны давяраць вынікам маючых адбыцца парламенцкіх выбараў 84 працэнты грамадзян Беларусі паводле тэлефоннага апытання насельніцтва краіны, праведзенага Інфармацыйна-аналітычным цэнтрам пры Адміністрацыі Прэзідэнта Рэспублікі Беларусь. Акрамя таго, сацыёлагі высветлілі, што большасць апытаных грамадзян (75 працэнтаў) не супраць правя-дзення датэрміновага галасавання.

Сацыёлагі апыталі 1 тыс. рэспандэнтаў ва ўзросце ад 18 гадоў і старэй ва ўсіх абласных цэнтрах краіны і Мінску, раённых гарадах і сельскіх населеных пунктах.

Нацыянальныя наглядальнікі

У Беларусі зарэгістравана 220 нацыянальных наглядальнікаў за выбарамі дэпутатаў Палаты прадстаўнікоў Нацыянальнага сходу пятага склікання. З 220 нацыянальных наглядальнікаў 3 акрэдытаваны ў Цэнтрвыбаркаме, астатнія ў акруговых камісіях. 152 наглядальнікі былі накіраваны грамадскімі аб’яднаннямі, 47 – шляхам збору подпісаў.  Найбольшую актыўнасць праяўляюць рэспубліканскае грамадскае аб’яднанне «Белая Русь» – 34 наглядальнікі, Беларускі рэспубліканскі саюз моладзі – 24, Беларускі саюз жанчын – 12.

(Паводле БелТА).

 

 

Архив публикаций



Полезные ссылки