Воскресенье, Май 27, 2018
Главная > Общество > НАСТРОЙ – ВЯСНОВЫ

НАСТРОЙ – ВЯСНОВЫ


Апошнім часам у Расцянскім доме-інтэрнаце для састарэлых і інвалідаў праводзіцца шмат культурна-масавых мерапрыемстваў, створаны ўмовы для рэалізацыі іх творчых здольнасцяў. Унесці ў аднастайнае жыццё гэтых людзей крышачку радасці і святла – такую задачу паставіла перад сабой кіраўніцтва дома-інтэрната і паспяхова яе рэалізуе.

…У звычайныя дні бязлюдная і ціхая, тым суботнім ранкам пляцоўка ля гэтай установы нагадвала шумны кірмаш: работнікі раённага цэнтра культуры і вольнага часу ладзілі дэкарацыі і рыхтаваліся да правядзення конкурсаў, а ў гандлёвай палатцы раскладваліся розныя прысмакі, непадалёк запальвалі мангал для смажання шашлыкоў. Знайшлося таксама месца для вырабленых мясцовымі ўмельцамі падзелак і плеценых кошыкаў.

Паўдзельнічаць у народным гулянні “Провады зімы”, якое вырашыла арганізаваць адміністрацыя гэтай установы сумесна з культработнікамі,  прыйшлі і жыхары вёскі Прыазёрная, і многія з пражываючых у доме-інтэрнаце. А каму не дазволіла здароўе – сачылі за гэтай святочнай падзеяй з акон.

І было тут, трэба сказаць, досыць цікава. Старым і малым – усім знайшоўся занятак. Хто, размясціўшыся на лаўках, слухаў песні ў выкананні самадзейных артыстаў, хто частаваўся блінамі з чаем, нямала было і жадаючых паказаць сваю кемлівасць, спрыт і сілу ў конкурсах і гульнях, на якія запрашалі скамарохі, узабрацца на вяршыню слупа дзеля прыза, патанцаваць, выйшаўшы ў круг, пад вясёлую музыку.

За гульнямі і забавамі час праляцеў неўпрыкмет. І нават адліга з морассю ніяк не паўплывалі на настрой удзельнікаў свята, бо гэта ж – прыкметы вясны, якая ўсё больш настойліва ўступае ў свае правы…

Н.ГРЫГОР’ЕВА.

Фота Г.ПАНКІНАЙ.

НА ЗДЫМКАХ: эпізоды свята ў Расцянскім доме-інтэрнаце.

 

Версия для слабовидящих







Президент Беларуси утвердил договор с Казахстаном о социально-экономическом сотрудничестве до 2026 года

Президент Беларуси Александр Лукашенко утвердил договор между Беларусью и Казахстаном о социально-экономическом сотрудничестве до 2026 года, подписанный в Минске 29 ноября 2017...


Погода в Чаусах

Погода Чаусы
Информация сайта pogoda.by

Чаусский кинотеатр «Сузор’е» предлагает к просмотру новые фильмы

23 и 24 мая В 11.00 и 16.00 «Трон эльфов». 2D. Детский 23 мая В 19.00 «Обитель теней ». 2D. Взрослый 24 мая В 19.00  «Кто наш папа, чувак?». 2D. Взрослый 25 и 26 мая В 11.00...

Архив публикаций

Вконтакте

Одноклассники

Полезные ссылки